Биылғы жылдың 9 айында «АЖК» АҚ электр желілеріндегі апаттылық пен істен шығу саны 10,5% төмендеді

«АЖК» АҚ-да 2025 жылдың 9 айының қорытындысы бойынша 2024 жылдың ұқсас кезеңімен салыстырғанда апаттар мен істен шығу саны айтарлықтай төмендеді. Атап айтқанда, есепті кезеңде бірде-бір I дәрежелі істен шығу тіркелмеген, ал II дәрежелі істен шығу саны 10,5% - ға төмендеп, ол 2024 жылғы 2356 істен шығу жағдайларымен салыстырғанда 2108 жағдайды құрады.

Электр энергиясын кем беру көлемінің төмендегенін де атап өту маңызды, ол 1934, 881 мың кВт/сағ құрады. Бұл өткен жылмен салыстырғанда 10,18% - ға аз. «АЖК» АҚ желілерінде істен шығу мен электр энергиясын кем беру көлемінің азаюы инфрақұрылымды жаңғырту, техникалық қызмет көрсетуді жақсарту және персоналдың біліктілігін арттыру бойынша жұмыстың нәтижесі болып табылады.

Компания электр энергиясын беру сенімділігі мен сапасын қамтамасыз ету үшін апаттылықты одан әрі төмендету және электр желілерінің жұмысын оңтайландыру бойынша жұмысты жалғастыруда.